A folga xeral...

Si amigos, quedan 8 días para a folga xeral. Eu son partidario e digo si ao 29-M. Por que? Pois porque eu non quero ser un escravo dos bancos, dos políticos, dos ricos e do capital. Non estou disposto a calar e conformarme cunha sociedade na que morren de fame cada día moitas persoas. Só son culpables os políticos? Pois non, sómolo todos por permitilo, por mirar para outro lado. Éque a ninguén lle di nada a súa conciencia? Ninguén se sinte culpable por deixar morrer tanta xente? Pois eu non me conformo. A miña conciencia dime que non, dime que loite e que sexa inconformista. Porque eu por sorte non vivo nesas condicións, pero compadézome de toda esa xente, homes, mulleres e nenos, persoas que lles tocou vivir esa realidade.
O dito, se algo queremos cambiar, algo teremos que facer. O día 29 eu apoiarei a folga, contra unha reforma capitalista, que benefia ao que máis ten, e perxudica ao traballador. É unha vergoña que empresas tan poderosas obriguen aos traballadores a traballar ese día. É lóxico ter medo ao despido, pero é lóxico que tódolos empresarios se beneficien de nós? Eu creo que non. Dígoo con argumentos, meu pai é traballador, pero non ten medo, vai á folga.
O pobo unido endexamais será vencido.

Non teñades medo e ide á folga o 29-M.

Un saúdo, grazas por lerme.

Alberto Rivas.

Palabras que doen a algúns, e idilio con GB por un manifesto...

Como empezar? Ben, eu non me agocho, chámome Alberto Rivas, teño 15 anos e son alumno do CPI Pontecesures. Son un dos autores do Manifesto, calificado de "xenófobo", "talibán lingüístico", etc.
Para crear este texto, ninguén nos influiu. Creámolo entre todos, o noso profe díxonos que el non compartía algunha das ideas do manifesto. Dixo que o traballo era noso, non del, e si queríamos publicalo así, tan "provocador". Nós, obviamente, dixemos que si.
Foi publicado, e un día soubemos que fora elexido vencedor. Levamos unha grata sorpresa, xa que é un concurso a nivel galego e tal...
Bueno, ata aí todo ben. Un par de días máis tarde, o noso profe, comunicounos que o Correlingüa quería censurar un pequeno trozo do manifesto, porque poñía "Telegaita" en vez de TVG e "La Coz de Galicia" no lugar de "La Voz...". Nós dixemos que non había problema, pero que sentíamos unha indignación enorme. Queríamos saber o porqué da censura, e soubémolo. Foi censurado por medo, por non ter problemas con Galicia Bilingüe. Expresamos a nosa indignación á nosa maneira, en redes socias coma Twitter. Non entendíamos a censura, en pleno século XXI. Un tweet do meu compañeiro Fran Bragado, foi utilizado por Galicia Bilingüe como detonante para crear unha loita. Unha loita na que a balanza está desequilibrada. Nós somos menores de idade, e fomos acusados públicamente de xenófobos, de que éramos vítimas dun adoutrinamento. Isto non é certo, creámolo de cero, ninguén nos mandou, ninguén nos influenciou

É unha pena que aínda haxa mentes retrógradas nos nosos días. Non é correcto acusar e dicir calumnias sobre menores de idade publicamente.
Que pasa? Téñennos medo? Somos xóvenes, os que nun futuro poden facer desta sociedade unha mellor.
Sobre a entrada de Gloria Lago, penso que non ten nin a menor idea, que non respeta as nosas ideas, non sabe que significa todo isto para nós.
Agradecer por último a Fran Bragado, por ter esas ideas tan boas que fixeron gañador o manifesto; ao noso profe de Lingua galega por axudarnos a participar; e a Pablo Potel e José Carlos García por axudar nesta causa.
PD: Sería unha vergoña que pechasen o blog de Lingua Galega, denunciado por GB. É un blog onde pode opinar quen queira e onde se publican os nosos traballos.

Grazas a todos por ler isto e ter interese por defender unha causa.

Un saúdo,
Alberto Rivas